Ezelden şâh-ı ışkun bende-i fermânıyuz cânâ
Mahabbet mülkinün sultân-ı âlîşânıyuz cânâ
Sehâb-ı lütfün âbın teşne-dillerden dirîg itme
Bu deştün bağrı yanmış lâle-i nu'mânıyuz cânâ
Zamâne bizde cevher sezdügiçün dil-hırâş eyler
Anunçun bağrumuz hûndur maârif kânıyuz cânâ
Mükedder kılmasan gerd-i küdûret çeşme-i cânı
Bilürsin âb-ı rûy-i mülket-i Osmânî yüz cânâ
Cihânı câm-ı nazmum şi'r-i Bâkî gibi devr eyler
Bu bezmün şimdi biz de Câmi-i devrânıyuz cânâ
Baki
29.01.2008
4.12.2007
Her kimin kim hem-demi gül yüzlü bir cânân olur
Her kimin kim hem-demi gül yüzlü bir cânân olur
Hanesi Cennet bigi dâim bahâristân olur
Hâr-ı müjgânımda fi'lhâl açılır nesrîn-i eşk
Bâğ-ı çeşmimden çün ol gül yaprağı pinhân olur
Baş koyar benzer sabâ ol gül'izârın zülfüne
Ki ayağı bastığı yer sümbül ü reyhan olur
Ey şerâb-ı nâb içip azm-i hârâbat eyleyen
Her kime uğrarsan anın hanesi vîrân olur
Âşık u ma'şûka benzer âsmân ile zemîn
Kim biri ağladığınca birisi handan olur
Tîr-i gamzen andığıyçün Ahmed-i dil-hasteye
Müddeînin sözleri her biri bir peykân olur
Ahmet Paşa
burası1
burası2
burası3
2.07.2007
Âh eylediğim serv-i hırâmânın içindir
Âh eylediğim serv-i hırâmânın içindir
Kan ağladığım gonce-i handânın içindir
Ser-geşteliğim kâkül –i müşkınin ucundan
Âşüfteliğim zülf-i perîşânın içindir
Bîmâr tenim nerkis-i mestin eleminden
Hûnin ciğerim lâ’l-i dür-efşânın içindir
Yaktım tenimi vasl günü şem’ tek ammâ
Bil kim bu tedârük şeb-i hicrânın içindir
Kurtarmağa yağmâ-yı gamından dil ü cânı
Sa’yim nazar-ı nerkis-i fettânın içindir
Can ver gönül ol gamzeye kim bunca zamandır
Cân içre seni sakladığım ânın içindir
Vâiz bize dün dûzahı vasf etti Fuzûlî
Ol vasf senin külbe-i ahzânın içindir
Fuzuli
Kan ağladığım gonce-i handânın içindir
Ser-geşteliğim kâkül –i müşkınin ucundan
Âşüfteliğim zülf-i perîşânın içindir
Bîmâr tenim nerkis-i mestin eleminden
Hûnin ciğerim lâ’l-i dür-efşânın içindir
Yaktım tenimi vasl günü şem’ tek ammâ
Bil kim bu tedârük şeb-i hicrânın içindir
Kurtarmağa yağmâ-yı gamından dil ü cânı
Sa’yim nazar-ı nerkis-i fettânın içindir
Can ver gönül ol gamzeye kim bunca zamandır
Cân içre seni sakladığım ânın içindir
Vâiz bize dün dûzahı vasf etti Fuzûlî
Ol vasf senin külbe-i ahzânın içindir
Fuzuli
burası1
burası2
burası3
Kaydol:
Kayıtlar (Atom)